Dinamalar

ரீ-ரிலீஸில் 6வது வாரமாக ஓடும் 'வசந்த மாளிகை'

இன்றைய தலைமுறையினருக்கு ரீ-ரிலீஸ் என்றால் எப்படி இருக்கும் என்பதை சில படங்கள் புரிய வைத்துள்ளன. ஒரு காலத்தில் அன்றைய ரசிகர்களால் கொண்டாடப்பட்ட சில படங்கள் சில பல வருட இடைவெளிக்குப் பிறகு மீண்டும் வெளியாகி சில வாரங்கள் ஓடும்.

அப்படி ரீ-ரிலீசில் சாதனை புரிந்த படம் என்றால் எம்ஜிஆர் இயக்கி, நடித்த 'உலகம் சுற்றும் வாலிபன்' படத்தைத்தான் சொல்ல வேண்டும். 1973ம் ஆண்டு வெளிவந்த இந்தப் படம் அன்றைய கால கட்டத்தில் பல தடைகளைக் கடந்து வெளிவந்து சூப்பர் ஹிட்டாகின. அதன்பின் குறிப்பிட்ட இடைவெளியில் 'புத்தம் புதிய காப்பி, பாலியஸ்டர் பிரின்ட்' என்றெல்லாம் தரம் உயர்த்தி படத்தை ரீ-ரிலீஸ் செய்து வசூல் செய்வார்கள். டிஜிட்டல் வெளியீடு வரையிலும் சமீபத்தில் கூட இப்படம் ரீ-ரிலீஸ் செய்யப்பட்டது.

அந்த விதத்தில் சிவாஜிகணேசன் நடித்த சில படங்கள் மீண்டும் டிஜிட்டலில் வெளியாகி சாதனை புரிந்தது. 'கர்ணன், வீரபாண்டிய கட்டபொம்மன், வசந்த மாளிகை' ஆகிய படங்கள் கடந்த சில வருடங்களில் ரிலீஸ் செய்யப்பட்டு வசூலையும் அள்ளியது.

'வசந்த மாளிகை' படம் சமீபத்தில் மீண்டும் சில பல தியேட்டர்களில் ரீ-ரிலீஸ் செய்யப்பட்டது. சில தியேட்டர்களில் புதிய படங்களைக் காட்டிலும் நன்றாகவே வசூல் செய்தது. சென்னையில் உள்ள ஆல்பட் தியேட்டரில் இந்தப் படம் 6 வாரமாக ஓடிக் கொண்டிருக்கிறது. அது மட்டுமல்ல அதே தியேட்டரில் 6வது முறையாகவும் ரிலீஸ் செய்யப்பட்டுள்ளது.

அதற்காக சிவாஜி ரசிகர்கள் அத்தியேட்டரில் நிகழ்ச்சி ஒன்றை நடத்தினர். 50 ஆண்டுகள் கடந்தும் ரீ-ரிலீஸில் ஓடியதை முன்னிட்டு சிவாஜி கணேசன் பற்றிய புத்தகம் ஒன்றையும் வெளியிட்டுள்ளார்கள்.

• 
  மேக்-அப் அறையில் அடைத்து சித்ரவதை : டிவி நடிகை பரபரப்பு புகார்
• 
  ஏஆர் முருகதாஸை புகழ்ந்து பேசிய ஆமிர்கான்
• 
  மகாதேவ் சூதாட்ட செயலி வழக்கு: நடிகர் சாஹில் கான் கைது
• 
  ரன்வீர் சிங்கை இயக்கும் ஹனுமான் பட இயக்குனர்!
• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு

• 
  100 நாட்களைக் கடந்த ‛வேட்டையன்' படப்பிடிப்பு
• 
  இறுதிக்கட்ட படப்பிடிப்பில் திரிஷாவின் ஐடென்டிட்டி
• 
  ஜப்பானில் வெளியாகும் 777 சார்லி ரிலீஸ் தேதி அறிவிப்பு
• 
  பவன் கல்யாண் பட டைட்டிலில் சமந்தா நடிக்கும் புதிய படம்
• 
  7 ஆண்டுகளுக்கு பிறகு திரையில் வருகிறார் அதிதி பொஹங்கர்